Yn ystod mis Mawrth cynhaliwyd/rhannwyd amrywiaeth o ddigwyddiadau a adnoddau wythnosol yn cynnwys rhestrau chwarae (Dilynwch Spotify MICNPT ), heriau, crefftau, ryseitiau, chwileiriau a mwy... Popeth ar gael yma Adnoddau MICNPT! Roedd rhai o'r themâu yn cynnwys Dydd Gŵyl Dewi, Diwrnod y Llyfr Gwyddoniaeth, Dydd Sant Padrig a'r Gwanwyn!
Cawsom wythnos o ddathliadau am ddydd Gŵyl Dewi - Roedd hi'n wythnos fendigedig! Gallwch ddarllen mwy yma 🏴🌻
Yn ystod y mis roedd sesh sŵn digidol, ar y cyd gyda Menter Iaith Abertawe. DIOLCH i bawb am ddod i'r sesiwn! Cyfle i bawb i ddod i fwynhau wrth chwarae neu wrando ar gerddoriaeth gwerin! Mae'n sesiwn rydyn yn edrych ymlaen at bob mis! Bydd ein sesiwn nesaf ar nos Fawrth yr 13eg o Ebrill am 7yh
Cliciwch yma i ymuno.
Ar ddechrau'r mis roedd PlanTawe digidol y Gwanwyn ar y cyd gyda Chymraeg i Blant CNPT/Abertawe a Menter Iaith Abertawe. Tri diwrnod o weithgareddau yn cynnwys fideo coginio, crefftau, helfa drysor a mwy. Gallwch ddarganfod popeth ar dudalen Facebook PlanTawe. I orffen y digwyddiad roedd sesiwn canu byw i deuluoedd/ysgolion y ddwy sir. Diolch i bawb am ddod!
Ar ddiwedd mis Mawrth dechreuodd ein digwyddiadau Pasg yn dechrau gyda sesiwn coginio BYW dros Zoom gyda Mr Henry - Am sesiwn! Roedd wyau Pasg pawb yn edrych yn flasus iawn!!😋😍Dilynwch Instagram Mr Henry yma. Y diwrnod wedyn roedd sesiwn Cwis ar y cyd gyda Llyfrgell Gwaun Cae Gurwen. Diolch i bawb am fynychu'r sesiwn! Roedd hi'n gyfle arbennig i bawb i gymdeithasu ac i fwynhau yn y Gymraeg yn ystod gwyliau'r Pasg! ❓
Roedd Caffi Cymraeg Gwaun Cae Gurwen wedi parhau i gwrdd ar zoom pob bore dydd Mawrth! Cyfle i ddefnyddio a gwella eich iaith Gymraeg wrth sgwrsio'n anffurfiol. Am fwy o wybodaeth ar sut i ymuno ewch i dudalen Facebook LLyfrgell GCG
Cawsom sesiwn Cylch Canu ar Zoom yn ystod y mis. Diolch i bawb am ymuno â ni am sesiwn canu a stori Cymraeg! Ewch i dudalen Facebook Cylch Canu am fwy o wybodaeth!
Ydych chi wedi cael cyfle i wylio ein cyfres 'Clonc a Chan' eto? Cyfle arbennig i ddod i nabod ein sêr lleol trwy sgwrsio a chwarae gemau dwl. Gallwch ddal lan gyda'r gyfres ar ein tudalen Youtube
Diolch eto i chi gyd am eich cefnogaeth yn ystod mis Mawrth! Plîs cysylltwch â ni os oes unrhyw syniadau gyda chi ar bethau hoffwch weld yn digwydd!
Edrychwn ymlaen at rannu mwy o adnoddau a gweithgareddau gyda chi yn ystod mis Ebrill!
Cofiwch i hoffi/ddilyn ein tudalennau cyfryngau cymdeithasol! DIOLCH!
#Cymraeg #Cymraeg #Cymraeg


