Dyma ein hail fis Ebrill yn ystod y cyfnod clo - Am flwyddyn! Cawsom fis prysur o rannu adnoddau a chynnal amrywiaeth o ddigwyddiadau dros wyliau'r Pasg a'r wythnosau ar ôl.
Yn ystod gwyliau'r Pasg roedd nifer o ddigwyddiadau byw llawn hwyl a sbri i blant a phobl ifanc yn cynnwys sesiwn coginio gyda Mr Henry, Cwis, Sesiwn gyda Halibalw a Sesiwn Gemau. DIOLCH i bawb am fynychu! Edrychwn ymlaen at sesiynau tebyg yn y dyfodol agos! 🤩
Ar ddechrau'r mis lansiwyd clwb misol newydd o'r enw 'Y Ditectifs.' Cyfle i ddysgu fwy am rai o ddigwyddiadau mawr Gymru, edrych ar gestyll arbennig, ymweld gydag amgueddfeydd, gwneud crefftau, coginio a mynd ar deithiau cerdded. Cliciwch yma i ddarganfod mwy. ![]()
Ar yr 13eg roedd sesh sŵn digidol, ar y cyd gyda Menter Iaith Abertawe. DIOLCH i bawb am ddod i'r sesiwn! Cyfle i bawb i ddod i fwynhau wrth chwarae neu wrando ar gerddoriaeth gwerin! Mae'n sesiwn rydyn yn edrych ymlaen at bob mis! Bydd ein sesiwn nesaf ar nos Fawrth yr 11eg o Fai am 7yh
. Cysylltwch i dderbyn y côd zoom neu am fwy o wybodaeth: 📧 cymuned@micnpt.cymru
Dechreuodd Amser Canu, ar y cyd gyda Llyfrgell Gwaun Cae Gurwen yn ystod y mis hefyd. Sesiwn o ganu a storiâu Cymraeg i blant 0 - 5 oed ar ddydd Iau am 10yb ar Zoom (bob yn ail wythnos). Ymunwch â ni yn ein sesiwn nesaf ar 13eg o Fai. Am fwy o wybodaeth ar sut i ymuno ewch i dudalen Facebook LLyfrgell GCG 🤩
Roedd Caffi Cymraeg Gwaun Cae Gurwen wedi parhau i gwrdd ar zoom pob bore dydd Mawrth! Cyfle i ddefnyddio a gwella eich iaith Gymraeg wrth sgwrsio'n anffurfiol. Am fwy o wybodaeth ar sut i ymuno ewch i dudalen Facebook LLyfrgell GCG
Ydych chi wedi cael cyfle i wylio ein cyfres 'Clonc a Chan' eto? Cyfle arbennig i ddod i nabod ein sêr lleol trwy sgwrsio a chwarae gemau dwl. Gallwch ddal lan gyda'r gyfres ar ein tudalen Youtube
Diolch eto i chi gyd am eich cefnogaeth yn ystod mis Ebrill! Plîs cysylltwch â ni os oes unrhyw syniadau gyda chi ar bethau hoffwch weld yn digwydd!
Edrychwn ymlaen at rannu mwy o adnoddau a gweithgareddau gyda chi yn ystod mis Mai!
Cofiwch i hoffi/ddilyn ein tudalennau cyfryngau cymdeithasol! DIOLCH!
#Cymraeg #Cymraeg #Cymraeg


